&^^& التجارب المميزة في تـدقيق المستندات - بـرنامج الإبـتـعاث الخامس

تنبيه: هذا الموضوع قديم. تم طرحه قبل 5361 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

تركواز
مبتعث مستجد Freshman Member

الولايات المتحدة الأمريكية
تركواز , أنثى. مبتعث مستجد Freshman Member. من السعودية , مبتعث فى الولايات المتحدة الأمريكية , تخصصى Ph.D , FINE ARTS , بجامعة TTU
TTU

Ph.D , FINE ARTS

أنثى
LBB, RIYADH

السعودية

Aug 2009
المزيدl
August 22nd, 2009, 04:27 PM
August 22nd, 2009, 04:27 PM
السلام عليكم

طبعا اليوم كان موعد تدقيق أوراقي
وبلخص لكم الي حصل على هيئة نقاط

1- في البداية مايحتاج تجيبون ملف علاقي أخضر بس أوراقكم وبدون تدبيس
2- فيه قسم خاص بالنساء المدققات نساء وقسم خاص بالرجال
3- أول ماتدخلون يقولون شوف اسمك في القائمة وبعدين تدخلون لأول مكتب يراجعون أوراقك
مبدئيا ويعطونك رقم بعدها تجلسون تنتظرون حتى يجي دوركم .
ويكون التدقيق النهائي الاصل مع الصور

الأوراق اللازمه:
-استمارة التسجيل وتكون موقعه .
-(الهوية الوطنية، أو دفتر العائلة) الأصل والصور
-جواز السفر الأصل والصور للمبتعث والمرافقين .
-نموذج طلب الالتحاق بالجامعة موقع عليه
- شهادة التخرج باللغة العربية والإنقليزية الأصل والصور
-الأصل والصوره من السجل الأكاديمي باللغة الإنجليزية والعربية مصدقة الصور ,
-ثلاث توصيات باللغة الإنجليزية (مو إلزامي)
- صورة واضحة من إقرار ولي أمر الطالبة (خاص بالنساء)،

أ-التبديل بين الرغبات ممكن
ب-تغير المرافق حتى بعد التدقيق ممكن
ج-إظافة مرافق بعد الدقيق مثلا طفل ممكن
د- لازم أحضار اصل الوثيقه واصل الجواز للمبتعث والمرافق واصل الهويه او بطاقة العائلة
هـ-عدم مطابقة اسم الوثيقة للي بالجواز قالوا اهم شي يكون نفسه اختلاف بسيط في التهجئة عادي >> استغربت
و- خطاب الغرض من الدراسة مو إلزامي احضاره

التوصيات

معك بس وحده ينفع
معك بس ثنتين ينفع
موقعه ومو مختومة ينفع
مكتوبه باليد مو بالكمبيوتر ينفع
ماجبت توصيات كمان ينفع قالوا مو من الأوراق اللازمة . << هذا الي حصل ؟؟

اخذ مني وقت الدقيق نص ساعه هذا وأوراقي كامله
الجو عادي وما في زحمه أبد حسبتكم يامبتعثين هونتم

يعني روحوا ولو ناقصكم شي معكم 9 ايام تكملون الناقص

ملاحظه : أنا مقدمه على دكتوراه وقالوا وين حسن السيره والسلوك قلت ما يعطون
قالوا كان جبتي حقت البكالوريوس ومو لازم مترجمة بالعربي عادي .
وقالوا عموما ما تعتبر من الأوراق اللازمه يعني عادي لو ما جبتيها

قالوا انتظري رسالة القبول ؟
سألت متى بترسلونها قالوا متى ما خلصت الوزارة بترسل لكم

اسأل الله ان يوفقنا وإياكم
بسم الله الرحمن الرحيم ...
تم اليوم ,, ولله الحمد .. الإنتهاء من ثاني خطوه من خطوات الابتعاث وعقبال يارب
الفرحه الكبيره بالقبول النهائي...

أهم الاستفسارات اللي جاتني وسألت عنها :
1- نسبتك بالمئويه في الوثيقه تكتبها زي ما هي .
2- بإمكانك تغيير بلد الابتعاث .(( تطلب نموذج تعديل بيانات في آخر القائة توجد خانه أخرى ) )
اكتب عليها تغيير الدول ... المربع اللي بعده الخطأ .. اكتب الدول اللي تبي تغيرها .. في المربع اللي بعده
اكتب الدول اللي ترغب بها ..
والسبب: انا بالنسبه كتبت لصعوبه قبولات الماستر من كندا..
3- التوصيات (( بلسان الموظفه .. ليست مهمه لهذي المرحله بس بعد العيد خلوها معاكم لان ممكن يجيكم القبول النهائي وبه الحاله لازم تكمل الناقص ))
4-كل شيء ممكن تعدل وتغير فيه (( بطلبك لنموذج التعديل ))
5- شهاده حسن السيره والسلوك .. مطلوبه وتعد الوثائق ناقصه للبكلوريوس .. وطلبوني هيا واعطيتهم ...الصوره ..
بس قالت لكثير معاي مو مهمه لدراسات العليا ..(( خذوها احتياط ))
6- اللي معلوماته الشخصيه فيها خطأ .. يا خذ نموذج التعديل ... والأفضل يروح يخاطب مديره المركز (( معاملتها مع البنات جداً ممتازه وراقيه ))

.
.
طبعاً أخت تركواز وضحت كثير من اللبس .. اللي كان حاصل
الله يعطيها الف عافيه ....

بأختصر لكم رحلتي ..
وصلت فندق الفهد كراون (( مداريم)) في تمام الساعه 12 وربع ض
والموظفات تو وصلو وبدو بتجيهز طاولاتهم .. والاوراق وما الى ذلك ...
.
.
في اوراق معلقه ع المدخل وجدت اسمي ولله الحمد 4 أسم .. (( احفظي رقمك التسلسلي ))
دخلت اللجنه ... (( الإستقبال))
معاها الجدول التالي ...(( يختص بصور الوثائق))

طبعاً اذا طلبت شي اعطيتها وتحط عليه صح وتطلب واللي بعده وبالاخير تجمعهم هي بملف من عندها ...
قلت لها ابي اغير الدول .. اعطتني نموذج التعديل .. وبدلت ولله الحمد ..
اعطوني هالرقم ... ودخلت على لجنه الثانيه

انتظرت شوي ... وبعدها جلست امام اللجنه الثانيه

طلبتني اصل جوازي والوثيقه وبطاقه الاحوال (( اللي ما عندها بطاقه احوال تاخذ منها كرت العائله ))
طابقتهم ...
طلبتني جواز المرافق ...
وبعدها .. طلبت اثبات هويه ولي الامر
(( طلبتني صوره بطاقه الاحوال للوالد قلت لها ما معاي الا كرت العائله وصوره منه قالت مو مشكله ))
واخذت الصوره ,, وارفقتها بالملف ...
رجعت لي الاصول .....
واعطتني الوصل ...

وانتهينا .. بحمد الله ومنته ...
دعواتكم لي بالقبول النهائي ....

عندي إضافه ...
انا قدمت بتوصيتين (( وكلهم إسكنر )) والاصول معايه بالشنطه
ولا طلبوني الاصول ولا سألو عنها ...
سجل الاكاديمي ما طالبوني بالعربي ...
لا حظو الصوره الاخيره مسموح لك بـ أربع وثائق لم تسلمها ..
والسنه اللي فاتت كانت اثنين فقط

موفقين
أخصائية نفسية
August 23rd, 2009, 03:19 PM
7 "
السلام عليكم ورحمة الله وبركاته

لسا راجع للتو من تسليم الاوراق

العدد كبير وغير متوقع على كلام د. الموسى نفسه

الوضع جدا مرتب ومنظم لكن عدد موظفي الاستقبال قليل مقارة بعدد المبعثين ( اكبر عدد مقدمين في الممكلة )

طبعا الدكتور عبدالله الموسى قدم اعتذار لهذا العجز ثم فتح مجال للاستفسارات كانت اقرب للدردشة والنصح يعطيه العافية

أهم الاستفسارات :

1) موعد النتائج النهائية ؟
في شوال بإذن الله لكن هذه السنة حيكون في دورة الزامية للجميع مو زي العام كانت الزامية فقط لطلاب المتقدمين لبكلوريوس

2) هل سيكون هناك مراحل قادمة ؟
أجب الدكتور بـ " لاتعليق "

3) اهم اسباب رفض الفيزة ؟
ذكر ان الوزارة تقدم في نهاية البرنامج اسماء الطلاب المقبولين للسفارات ,, فاي شخص يقول انه مقبول في البعثة وهو ناوي يطلع على حسابه الخاص ,, فالسفارة تعتبره كذاب ويترفض ,, وغيره برضه اللي يجيب قبول من اكثر من جامعة وما ينسق بينها فتجي I-20 لجامعة برقم معين ,, بعدها يجي I-20 حق جامعة ثانية فيلغي اللي قبله ,, وهذا الشي يسوي ارباك

4) اختيار معهد اللغة على اي اساس وهل الطالب له يد في اختيار الولاية ؟
الطالب ماله اي تدخل في هذه المرحلة وبعد ما يوصل بامكانه يحول بل من حقه

5) هل جميع مستوفين الشروط سيقبلون ؟
في كل مرحلة يتم ابتعاث بين 5-6 آلاف طالب وطالبة ,, لكن هذا العام اعداد المتقدمين كبير جدا لذلك سيتم رفع الجميع لوزارة المالية وحسب موافقتها ,, لكن لو كان العدد زائد سيكون هناك مفاضلة حسب : احتياج المناطق - التخصص - المعدل

وفي استفسارات اخرى لكن تقريبا هذه الاهم

وفي استفسارات ارسلها لي احد الزملاء سألتها لموظف التدقيق

1) الوثيقة مترجمة من مكتب معتمد لكن غير مصدقة من الجامعة او اي وزراة ؟
بما إنها مترجمة من مكتب معتمد فهي لا تحتاج لأي تصديق

2) اللي ما عندهم توصيات ولا كشف درجات ايش وضعهم ؟
يجو يقدمو الموجود ويكملوا الباقي بعدين

وهذه بعض الصور من الملتقى

اول صالة : فيها يتم التأكد ان موعدك في هذا اليوم ثم تسلم استمارة لتحدد عليها وثائقك وملف لوضع فيها الوثائق
ثم تاخذ رقم وتنتقل للصالة الاخرى

الصالة الثانية : تنتظر دورك و وكان هنا الدكتور الموسى يجاوب هذه الاستفسارات

صورة الدكتور الموسى مع بعض الطلاب والموظفين

بإذن الله في الملتقيات ان لم تمانع الوزارة سانقل لكم الملتقيات نقل حي ومباشر ( فيديو وصوت ) ,,

دعواتكم

3.75 >> 3.2 / 3 >>2.5
ليدر جووون
August 24th, 2009, 01:30 AM
7 "
السلااام عليكم

مسااكم اللله بكلل خيير

انا اليوم رحت الميريديان / جدة على موعدي بالتمام 1:00 الظهر

ولاخرجت إلا على أذان الظهر :S

حبيت اقولكم اللي صار لي بالتفصيــل الممل عشان لا تتعطلو زي

ورح اوصف القاعة بالتفصييل للبنات ..

طبعا لما تجي بالسيارة رح يكون في فتحة ملف على يسارك عشان تروحي للمدخل الرئيسي للفندق ،، لااتخذي اللفة طولي وامشي مع الشارع ، خذي يسارك وامشي كمان

كذا رح يكون سوق جدة الدولي على يمينك و الفندق على يسارك ،، امشي لنهاية الخط رح تشوفي قدامك مجرى السيل ،، بس طبــعا لاتروحي له ،، رح تشوفي في نهاية الفندق في الركن على يسارك درج ومدخل للفندق
وهذي هي قاعة ( النور ) للسيدات فقط وهي اللي فيها التدقيق

الحمــد لله القاعة ما تِتَوِّه

اول ماتدخلي على طول رح تلقي في وجهك ألواح سبورة ( سبورات الأٌقلام ) وعلى يمينك باب خشب كبيير ، السبورات هي اللي حاطينها سادين بها واجهة الباب عشان اللي في الشارع لايسير كشف << اخلصي

المهم ان هذي السبابير روحي لوجهها من الناحية الثانية رح تلقي محطوط أوراق A4 رصــة الأسماء البنات اللي متقدمين اليوم وعلى اليمين الرقم التسلسلي ( رقمي كان من 3 خانات )،، لازم تشوفي رقمك اول قبل ماتدخلي << مع اني ما استخدمته غير أول مادخلت في أول طاولة

طلعي في يدك الاستمارة وبطاقة الهوية

طيب عرفتي رقمك يسير تدخلي من البوابة الخشب تلقي على يسارك طاولة طوييلة عليها بنوتتين رح يعطوك ملف + تقويم صغير ( إعلان بس )+ بروشور صغير عن الابتعاث

+ ورقة فيها جدول الترتيب

الورقة فيها جدول الترتيب اللي يبغوه ، لو طالعتي جوة الملف مطبوع نفس الجدول بخط أوضــح

هو كان عبارة عن جدول الخانة الأولى الوثائق المستلمة ( وهي اللي صورتها أول )

الخانة الثانية المرحلة الدراسية اللي مطلوب لها المستند السابق

الخانة الثالثة مرفق هذا للي عليكي تحطي علامة صح

الخانة الرابعة غير مرفق هذا للي ماعليكي تجيبيه انا حطيت فيها -

الخانة الخامسة ملحوظات ( فاضية )

المهم .. وبما اني قلت ان ترتيبهم الجديد يختلف بتااتا عن القديم

هذا الترتيب الجديد

الجنب اليمين

الجنب اليسار

صور كاملة بس مو واضحة :s

غريب الصرااحة
سوري واقول سوري على رداءة الصور بسبب انه عندي لاب توبين و جهازين مكتبيين وطابعتين في البيت ولافيهم أحد معرف على أحد ولا كان نزلت لها سكان أوضح

الزبــدة :

الـ 6 الخانات الأولى إلزاامية لكل طالب مبتعث (ماعدا الخامسة حقت معادلة الشهادة من برة ) + السابعة لكل طالبة (حقت المحرم )
بعدها 4 خانات حقت الطب
بعدها 5 خانات كلها عبيتها بما اني جايبة سيرة وسلوك
بعدها 4 خانات حقت طلاب البكالوريوس

المهم
البنات اخذو هالاوراق وراحو جلسو على الطاولات اللي بيمين القاعة قعدوا يرتبوا الأوراق
ولاتنسو تكتبو على واجهة الملف القسم اللي فوق + توقعو الاستمارة اللي طبعتوها و بتاريخ اليوم ميلادي

بعد ماتخلصي الترتيب تمسكي سرا على الطاولة اللي كانت في الوجه ( واجهة القاعة )
عليها موظفتين
بس يشيكو على الترتيب والاصول

انا ماكنت مصورة السيرة والسلوك لأني شاكة انها مطلوبة أو لا
كنت مستهونة فيها ولا ني مصورتها ولاني مختمتها بس اللهم ترجمتها فقط

لما وصلت للموظفة قالت لي دامها موجودة ومترجمة صوريها ، وأخذت منها ورقة صغيرة عشان أغير التخصص ،، شيكت (تشييك خفيف لان التشييك النهائي عند اللي بعدهم ) و أعطتني الملف و رقم صغير للسرا الكبير خخخ رقمي 5213 شي زي كذا < هذا الرقم اللي يمشي سراه على الشاشة... وورتني فين أحط السيرة بعد التصوير

ملاااحظة : هنا رحت اصور السيرة والسلوك

..... سمعت اللي قدامي قالت لها مايبغوا حتى أثر التدبيس ( لأنه الأوراق تدخل على الكمبيوتر ) .. رحت سألت ( مستشارة الوزارة ) مكتبها له ساتر في آآخر القاعة على اليسار وقالت لي لازم وسألتها كم سؤال ،، قالت لي خلصي أول بعدين تعالي

ملاااحظة : هنا رجعت أصور ثاااني << حسيت بالغبااء والله

يتبآآدر سؤآآال :
فين صورت ِ؟؟

خرجت رحت لين المدخل الرئيسي ، الاستقبال آخذ زاوية على اليسار ، طولت ،، في مكتب صغيرون على اليسار الواجهة قزاز ، المكتب برضه اخذ زاوية خخخ
المكتب فيه كذا واحد بس يجي واحد يطلع لك << مايدخلو حريم ،، وياخذ منك ويصور لك

ملااهزة : أول مرة رحت صورت ورقة وحدة بـ2 ريال
المرة الثانية صورت 4 ورقات بـ 5 ريال ،، على الحسبة الأولى المفروض ادفع 8 ريال !!

مع ملاهزة ان الموظف اختلف عن المرة الأولى
خخخخ

آآالموهم ..
بعد ما صورت ورجعت و خلصت أوراقي ورتبتها كلها في الملف اللي أعطونا اياه ،، جلست شوي على الكراسي السودا الي في النصف اليسار من القاعة قدام طاولات متعددة حقت موظفات التدقيق ..
شفت الرقم في اللوحة اتعداااني
سألت موظفة عسوولة اسمها منيرة ت . قلت لها السرا اتعداني ( ماافي اتأخر
أكثر ،،قد الساعة صارت 3 خلاص ) قالت لي اذا خلصت ذي اللي عندي تعالي ..

خلصت البنت وجيت ..
طبعا طلبتني الأصول .. وطابقت

والموظفة العســل طالعت في السيرة وقالت لي مو مختومة ؟؟
وقامت ختمتها بنفسها

وبالنسبة لهوية المحرم ... لانه ابويه بس بطاقة العائلة والجواز اصل وصورة << ماكان معايا اصل العائلة بس مشتني بالجواز الحمــــد لله

ملااحظة : يابنات انتبهو لاوراق المحرم ،، وبعدين أنا سمعت كذا وحدة تقول " صك إعالة " ؟؟

خلصنا وأعطتني ورقة أصغر من الـ A4

يعني بعد كلـــ اللي صاار اليوم تخرجي من عندهم بذي الاستمارة وقالت لي هي اللي تراجعي بيها
في أعلاها رقم مختلف تمااما

خلصت من عندها ورحت للمستشارة ..
رجعت سألتها نفس الأسئلة ..
إذا انا الحمدلله عندي لغة وما أحتاج هالسنة ،، ينفع أجيب للوزارة قبول جامعة ويحولوني عليه ؟ << ما أدري لين تطلع النتايج بإذن الله
< وهو نفــس السؤاال اللي سألته كم وحدة من قبل ومن بعد ونفــس الإجاابة

وسألتها كم سؤال ،، قامت أعطتني ورقة صغيرة خاصة باستفسارات قسم النساء << بس نسيت أسألهم متى دوامهم خخخ

ايميل
questions-mohe.gov.sa

بدل الـ - حطي @

هاتف
012107533
تحويلة
167 أو 168

وانا خارجة رجعت سألت وحدة الله يسعدها أخيرا لقيت احد يفيدني بهالموضوع
ألا وهو :
صاحبتي اخوها هو مرافقها ومضيع هويته بس عنده جوازه يكفي ولا لا ؟ لأن بدل الفاقد مايطلع إلا بعد اسبوعين

قالت لاااازم ، واذا بيتأخر بدل الفاقد خليه يجيب بلاغ من الشرطة بان هويته ضاعت

والله جاابتها

لكللل اللي قااالوو اختام وما اختاام

أقووول

http://www.mbt3th.us/vb/forum17/thread121234.html
جآآكم كلاامي

وبســــ

حسيت اني حســت اليووم حووسة(ن) مآآلها دااعي أبــد

يارب تستفيدو مني وماتحووسي حووستي

و ياارب ييسر أموووووووووور الجميــــــــــــــــع
آنسة مزة
August 25th, 2009, 12:17 AM
7 "
للبنات خطوات التدقيق من يوم ما تدخلي من باب القاعة الين ما تركبي السيارة
انا حسيت بضياع شوية وكتير بنات نفس الشي ,لانهم ما يقولولك هما ايش تعملي او ايش الخطوة التالية
وكلامي موجه خصيصا للبنات لانهم يخدوا الجملة او الكلمة ويفسروها تفسيرات خنفشارية ويعملوا هليييييييييييييلة ويكبروا المواضيع الصغيرة والمجهرية

* اول شي تعالي ع الموعد لا تتأخري

* ادخلي المدخل حق القاعة وروحي عند الورق اللي معلق ودوري اسمك واحفظي الرقم المسلسل اللي جنبه

* طلعي بطاقة الاحوال و استمارة الطلب

* ادخلي القاعة .... اتجهي للموظفة اللي جنب الباب وريها البطاقة والاستمارة وحتسألك عن الرقم المسلسل
عشان تتأكد انه اسمك موجود وموعد تدقيقك دحين

* بعد ما تتأكد الموظفة حتعطيكي ملف وورقة ( صورة الورقة في موضوع الاخت اخصائية نفسية جزاها الله خير )

* تروحي تجلسي ع الطاولات وتاخدي الورقة اللي اعطتك هيا ورتبي اوراقك حسب الترتيب اللي في الورقة

* في الورقة اللي اخدتيها: حطي صح قدام كل ورقة جبتيها معاكي فقط ( يعني لو ما جبتي توصيات لا تحطي جنبها صح )
واكتبي اسمك ورقم الطلب والمرحلة اللي مقدمة لها و وقعي ع الورقة

* دخلي كل اوراقك جوا الملف ( طبعا مرتبة حسب الترتيب المطلوب ) وحطي اول شي الورقة اللي اعطوكي هيا ( أول ورقة في الملف )

* واكتبي اسمك ومركز التدقيق ورقم الطلب على الملف من الخلف ( في اماكن محددة تعبيها )

* و تروحي للموظفات اللي يشيكوا على ترتيب الاوراق وانها مو مدبسة
حتتأكد الموظفة من اوراقك وتعطيكي ورقة صغيرة فيها رقم

* تروحي تجلسي في الكراسي حقت الانتظار و تستني رقمك يطلع في الشاشة الصغيرة ( زي حقت البنوك )
طبعاً الرقم في الورقة 4 ارقام واللي حيطلع في الشاشة تلاتة يعني اذا رقمك مثلاً 5180 رقمك في الشاشة حيطلع 180

* بعد ما يطلع رقمك اتجهي للموظفة اللي ماعندها احد ( فاضية ) واجلسي ع الكرسي

* اعطيها الملف و حتطلب منك الاصول وجواز سفرك وجواز سفر المرافق وبطاقة الاحوال
حتجلس تتأكد وتتفحص كل شي وبعدين ترجعلك الاصول والجوازات
وتعبي سند وتوقع عليه وتعطيكي هو

* بعد ما اخدتي السند اخرجي من القاعة اتصلي ع السواق ولا ابوكي ولا اخوكي ولا زوجك
وقولي له بالحرف الواحد " ايش دا ليا ساعة مخلصة وادق عليك ولا عشرين مرة ما ترد القاعة فضيت والناس راحت وانا جالسة لحالي استنى .... يالله تعال عند الباب انا خلصت "

* وخلاص اخرجي من القاعة واركبي سيارتك وروحوا خدولكم حمص وفول من النابلسي وارجعوا البيت

تحذيرات:
اخطاء وقعوا فيها البنات وشفتها بعيني وسمعت الموظفات بإذني يحذروا منها

الملف:

- ابدا ابدا ابداً لا تكتبي في الجداول اللي في الخلف .... خاصة بالمدققين

- والملف مطبوع فيه من الداخل جدول الاوراق المطلوبة ( زي اللي في الورقة ) ابدا ابدا ابداً لا تعبي دا الجدول خاص بالمدققة هي لما تدقق حتعبيه

الورقة :
- حطي صح على كل الورق اللي جبتيه فقط لا تحطي صح على اشياء ما اجبتيها او العكس .

- اكتبي الاسم ورقم الطلب ووقعي

التدبيس :

انا قلت شي شفته والبنات اتهوسوا يالهووووووووووووووييييي

انا حبيت احذر بس من باب المساعدة ... للناس اللي لسا ما دققوا عشان ما يدبسوا شي

وانتوا قلبتوها مـــأســــــــاة وشوية واشوف حالات اغماء في المنتدى

الي اوراقها كانت مدبسة وودتها خلاص اوراقها مقبولة مالنا ومال الكمبيوتر هما يتصرفوا !!!!!

واللي لسا ما ودتها ... عادي توديها وتعطيهم هيا حياخدوها منها وبلاش تعملوا من الحبة ورم

اوف حسستوني اني طلعت اشاعة ولا قفلتها في وجيهكم .. انا نقلت لكم اللي شاهدته بعيني وسمعته بإذني لا تفسروا كل شي تفسيرات تفجيرية يابنات

ملحوظات:

* جيبوا صورة واضحة من بطاقة العائلة

* وجيبوا شهادة حسن السيرة والسلوك ( دراسات عليا )
وما تفرق عربي انجليزي كيني صيني المهم يستلموا ورقة ( لا اشوف مواضيع ترجمة بلييييز )
واذا ما جبتوا برضوا ما تفرق

* مستشار الوزارة :
في مستشارة للوزارة في القاعة ... اي مشكلة عندك او استفسار غريب عجيب تروحي تسأليها بكل بساطة
وحتعطيكم اجوبة لكل استفساراتكم الخنفشارية

* الموظفات جداً جداً جداً متعاونات الله يسعدهم ياااارب

* لا تشيلوا هم التدقيق كأنه بعبع ..... ترى مرة سهاااااااااااااااااااااااااااالة

* شغلتهم يساعدوكم مو يوقفوا ضدكم !!

وبس وسلامتكم ورمضان كريم
M.A.N.A.R
August 25th, 2009, 04:46 AM
7 "